Meksıka shyǵanaǵynda bortynda 4 myń jolaýshy bar laıner jyljı almaı bir orynda qalqyp tur
ASTANA. 12 aqpan. QazAqparat - Meksıka shyǵanaǵynda bortynda 4 myń jolaýshy jáne ekıpaj músheleri mingen Carnival Triumph laıneri jyljı almaı bir orynda qalqyp tur, dep habarlady RBK.
Keme 7 aqpan kúni Galvestonnan (Tehas shtaty) tórt kúndik júzýge attanǵan, alaıda eki kún qatarynan laınerdiń qozǵaltqyshy jumys istemeı tur, dep habarlady Bı-Bı-Sı.
Oqıǵanyń oryn alýyna jáne qozǵaltqyshtyń isten shyǵýyna órt sebep boldy. Qazirgi ýaqytta keme ıÝkatan túbeginen 240 shaqyrym jerde ornalasqan.
Aldaǵy ýaqytta laınerge súıreıtin tehnıka jetkiziledi dep kútilýde. Keme belgilengen jerge erteń jetýi tıis. Jolaýshylar AQSh-qa ushaqpen jetedi.
Laınerde aýyz sýdyń jáne azyq-túliktiń jetkiliksizdigi baıqalýda. Oǵan qosa bortta jýynatyn bólmeler jumys istemeıdi, elektr berýde de irkilis bar.
Carnival Cruise Lines kompanııasy laıneriniń ıesi atap ótkendeı, týrısterge jolaqy quny tolyǵymen óteletin bolady.
