Meksıka shyǵanaǵynadaǵy munaıdyń tógilýine uńǵy apaty sebep emes - British Petroleum
ASTANA. Shildeniń 20-sy. QazAqparat - Meksıka shyǵanaǵynda jańa núkteden teńizge munaı tógile bastaǵany tirkeldi. Bul jóninde Meksıka shyǵanaǵyndaǵy apat saldaryn joıý sharalaryna jaýapty admıral Ted Allen málim etti, dep habarlaıdy RBK.
T.Allenniń málimdeýinshe, shyǵanaqtaǵy munaı aǵyp jatqan jańa kóz, apatty uńǵydan úsh shaqyrymdaı alysta jatyr. Muny British Petroleum (BP) mamandary da qoldap, onyń apat saldaryn joıý jumystaryna esh qatysy joq ekendigin aıtýda, jańa kózden munaı tabıǵı jolmen atqylap jatyr, oǵan tehnıkalyq áser bolǵan joq.
Sonymen qatar, Meksıka shyǵanaǵynda apatty uńǵyny biteýge ornatylǵan qondyrǵynyń myqtylyǵy tekserilý ústinde. VR mamandary jańa qorǵanysh kúmbeziniń aqaýlyǵy bar ma, sony tekserip jatyr.
Esterińizge sala keteıik, AQSh jaǵalaýyndaǵy munaı apaty 2010 jylǵy sáýirdiń 20-synda tuǵyrdaǵy metan gazynyń jarylýy saldarynan bolǵan edi. Eki kún ótkende tuǵyr sýǵa batyp ketti de, 1,5 shaqyrym tereńdiktegi aqaý paıda bolǵan uńǵydan teńizge munaı quıyldy. Apat aýyzdyqtalǵan ýaqytqa deıin teńizge birneshe mıllıon lıtr munaı tógildi. Bul AQSh tarıhyndaǵy eń úlken apat sanalyp otyr.
