Meksıka shtaty sábılerge Termınator, Twitter, Facebook degen esimderdi berýge tyıym saldy
ASTANA. QazAqparat - Ata-analarǵa jańa týǵan nárestelerine ozbyr keıipkerlerdiń esimin qoıdyrtpaý úshin meksıkalyq Sonor shtatynyń bıligi balaǵa esim tańdaǵanda kemsitý nemese ájýa sózdi paıdalanýǵa tyıym salatyn azamattyq tirkeý týraly jańa zań qabyldady, dep habarlaıdy jergilikti BAQ.
Tyıym salynǵan esimder tizimine 61 esim ilikti, onyń ishinde Gıtler, Rembo, Býrger-Kıng, Termınator, Djeıms Bond, Betmen jáne t.b. bar.
Sondaı-aq jańa zańǵa sáıkes, Twitter jáne Facebook sııaqty tanymal áleýmettik jelilerdiń atyn esim retinde paıdalanýǵa ruqsat etilmeıdi.
