Meksıka shyǵanaǵynda mıllıon gallon shıki munaı aǵyp ketti

AQSh jaǵalaý kúzeti Meksıka shyǵanaǵyndaǵy Lýızıana jaǵalaýynan mıllıon gallonnan astam shıki munaı aǵyp ketýi múmkin sýasty qubyryn izdeýdi jalǵastyryp jatyr. Bul týraly Kazinform agenttigi Reuters aqparat kózine silteme jasap habarlaıdy. 

108 shaqyrym qubyrdy beısenbi kúni tańerteń Mıssısıpı jaǵalaýynan Jańa Orleannyń ońtústik-shyǵysyna qaraı 31 km jerde shıki munaı tabylǵannan keıin Main pass Oil Gathering Co (MPOG) kompanııasy jaýyp tastady.

Bastapqyda ınjenerler 1,1 mln gallon munaı aǵyp ketýi múmkin dep boljady.

Jaǵalaý kúzeti qazirgi ýaqytta zardap shekkender týraly habarlanbaǵanyn jáne aǵyp ketý sebebi tergeý satysynda ekenin aıtty.