Meksıka sheteldikterdi ózderiniń gaz ken oryndaryna kirgizetin boldy
ASTANA. 13 jeltoqsan. QazAqparat - Meksıka kongresi eldiń munaı-gaz resýrstaryna 75 jylda alǵash ret sheteldik ınvestorlardy tartýǵa múmkindik beretin, ıaǵnı biraz daý-damaı týdyrǵan zań jobasyn maquldady.
Zań jobasyna sáıkes, jeke munaı jáne gaz kompanııalaryna tabystyń bir bóligine meksıkalyq memlekettik «Pemex» kompanııasymen birlese munaı men gazdy óndirýge ruqsat beriledi.
Jaqynda bul qujat atalǵan eldiń Senatymen maquldandy.
Meksıka Prezıdenti Enrıke Penıa Netonyń sózine qaraǵanda, jeke ınvestıtsııalar energetıkalyq sektordy jańǵyrtý úshin jáne munaı óndirisin yntalandyrýǵa qajet.
Oppozıtsııalyq saıasatkerler zańdy qabyldaýǵa úzildi-kesildi qarsy pikirlerdi alǵa tartty. Olardyń paıymynsha, bul qujat eldiń ulttyq múddelerine qaıshy keledi.
