Meksıka Prezıdenti polıtsııaǵa reforma jasaıtynyn jarııalady
ASTANA. QazAqparat - Meksıka prezıdenti Enrıke Penıa joǵalǵan 43 stýdentke qatysty bolǵan qarsylyq aktsııasyn basqannan keıin eldegi polıtsııaǵa reforma jasaıtynyn jarııalady, dep habarlady VVS.
Onyń aıtýynsha, reforma negizinen polıtsııany biriktirýden bastalmaq. Qazirgi ýaqytta Meksıkada eki federaldy polıtsııa jáne ár shtattyń ózine qarasty 30 bólimshesi, sondaı-aq myńǵa jýyq mýnıtsıpaldi polıtsııa bar. Prezıdent oqıǵa bolǵan Grrero shtatynda, sonymen qatar Meksıkanyń ońtústik-batysyndaǵy taǵy birqatar shtatta arnaıy operatsııa bastalǵanyn habarlady. Eske sala keteıik, Gerrero shtatynda ártúrli qarsylyq sharalaryna belsendi qatysyp júrgen 43 stýdent 26 qyrkúıekte Igýala qalasynda polıtsııamen bolǵan qaqtyǵystan keıin joǵalyp ketti. Kýágerler kóptegen adamdardy polıtsııa kóligimen alyp ketkenin aıtqan. Qaqtyǵys kezinde 6 adam qaza tabylyp, 17 adam jaralandy. 57 adam iz-túzsiz joǵalyp ketken. Keıin onyń 14-i tabylǵany týraly aqparat tarady. Qarasha aıynyń basynda eldiń Bas prokýrory Hesýs Mýrılo Karam 40-tan asa stýdenttiń ólimine qatysty kúdiktiler ustalǵanyn málim etti.
