Meksıka prezıdenti munaı óńdeý zaýytyndaǵy jarylys qurbandarynyń otbasylarymen kezdesti
ASTANA. QazAqparat - Meksıka Prezıdenti Enrıke Penıa Neto besenbi kúni 20 sáýirde qýatty jarylys pen órt shyqqan Verakrýs shtatyndaǵy munaı-hımııa keshenine bardy, dep habarlady TASS.
Jarylystan qaza tapqan jáne joǵalǵan kásiporyn qyzmetkerleriniń januıalarymen kezdesken memleket basshysy «Pemex» munaı-gaz kompanııasy jáne onyń seriktesi «Mexichem» qarastyrylǵan ótemaqynyń barlyǵyn tóleıtinine sóz berdi.
Meksıka basshysy bılik tarapynan sondaı-aq kásiporyn basshylyǵy iz-túzsiz ketkenderdiń jaqyndaryna qajet qoldaýdyń barlyǵyn jasaıtynyn aıtty.
Eske sala keteıik, «Pajaritos» munaı-hımııa keshenindegi apattan eń kemi 13 adam mert bolyp, 136 - jap japa shekti, 18 adam iz-túzsiz joǵalyp ketken.
«Mexichem» kompanııasy basqaratyn «PMV» kásipornynda bolǵan tótenshe jaǵdaıdyń shyǵý sebebi ázirge anyqtalǵan joq.
