Meksıka Prezıdenti eldiń ataýyn ózgertýdi usyndy
ASTANA. 23 qarasha. QazAqparat - Meksıka Prezıdenti Felıpe Kalderon eldiń «Meksıka Qurama Shtattary» ataýyn jaı ǵana «Meksıka» etip ózgertýdi usyndy.
Bul týraly Reseı jańalyqtar agenttigi habarlady.
30 qarasha kúni qyzmetinen ketetin Kalderon, bul usynysty parlamentke óziniń ókilettigi aıaqtalǵanǵa deıin engizýdi kózdep otyr.
«Naqty «Meksıka» elimizdiń bolmysyn bildiretin ataý, Meksıkanyń ataýy bul - Meksıka»,- dep atap ótti prezıdent.
«Meksıka» sóziniń shyǵý-tegi - ındııalyq, ol «meshıka» atstekter taıpasynyń ataýyn bildiredi. «Meksıka Qurama Shtattarynyń» ataýy memleket 19 ǵasyrda ıspanııalyq otarshyldardan táýelsizdik alǵannan keıin paıda boldy. Eldiń ataýyn tańdaý barysynda zań shyǵarýshylar AQSh-qa eliktegen. Sebebi onyń saıası júıesin olar anaǵurlym qarqyndy dep sanady.
Qazirgi ýaqytta Meksıkanyń tolyq ataýy tek saltanatty sharalar men resmı qujattarda ǵana atalady. Sondaı-aq temir shaqalarǵa soǵyp jazyldy. Al qaǵaz banknottarda «Meksıka Banki» dep qana jazylǵan.
