Meksıka prezıdenti álem chempıonatynyń ashylý matchyna bıletin syıǵa tartady
ASTANA.KAZINFORM - Meksıka prezıdenti Klaýdııa Sheınbaým 2026 jylǵy álem chempıonatynyń ashylý matchynda el atynan shyǵatyn jeńimpazǵa baıqaý jarııalady, sebebi memleket basshysynyń ózi matchqa qatysa almaıdy.
Baıqaý «Álem chempıonatynyń ashylýynda Meksıka atynan shyǵý» dep atalady.
Prezıdenttiń ótken tamyz aıynda FIFA prezıdentinen alǵan 00001 nómirli jeke bıleti báske tigiledi.
- Ashylý kúni meniń ornyma jas áıel shyǵady. Fýtbol oınaıtyn áıel keremet ókil bolady dep oılaımyn, - dedi Sheınbaým.
Baǵdarlamaǵa 16 jastan 25 jasqa deıingi qyzdar men áıelder qatysa alady.
BorderReport málimeti boıynsha, olar ózderiniń fýtbol sheberlikterin kórsetetin bir mınýttyq beınejazba usynýy kerek.
Vıdeolardy federaldy úkimet basqaratyn meksıkalyq Mundial Social veb-saıtyna júkteý kerek.
Ótinimder 9 naýryzdan bastap 10 sáýirge deıin qabyldanady.
Jeńimpazdy irikteý komıssııasy anyqtaıdy.
2026 jylǵy álem chempıonaty Kanadada, Meksıkada jáne Amerıka Qurama Shtattarynda 11 maýsymnan 19 shildege deıin ótedi. Meksıka men Ońtústik Afrıka arasyndaǵy ashylý matchy 11 maýsymda Meksıkadaǵy Estadio Azteca stadıonynda ótedi dep josparlanǵan. Fınal 19 shildede Nıý-Djersıde ótedi.
Buǵan deıin Fýtboldan Qazaqstan áıelder quramasy álem chempıonatyna irikteý kezeńin sátti bastaǵanyn jazǵanbyz.