Meksıka polıtsııasyn jappaı kisi óltirdi dep aıyptaýda
ASTANA. QazAqparat - Ótken jyly Mıchoakan shtatynda bolǵan shıelenis kezinde meksıkandyq polıtsııa qyzmetkerleri 22 adamdy óltirgen. Bul jaıynda Meksıkanyń adam quqyqtary boıynsha Ulttyq komıssııasy málimdedi, dep jazdy Bı-bı-sı Reseı qyzmeti.
Komıssııa 2015 jyldy mamyr aıynda Tanhýato qalasyndaǵy ranchoda bolǵan daý-janjalǵa tergeý júrgizdi.
Onda eskirtki karteliniń múshesi bolýy múmkin 42 adam jáne bir polıtsııa ofıtseri qaza tapqan edi.
Bılik bul jaǵdaıda adam quqyǵynyń buzylýyna jol berilmegenin málimdedi.
Sheneýnikter eki esirtki bandasy arasyndaǵy soǵystan zorlyq-zombylyqtar boldy dep sendirgen edi.
Polıtsııa ókilderi qaqtyǵysta qurban bolǵandardyń kartel músheleri ekenin aıtqan.
Komıssııa málimeti boıynsha, 40 adam atylǵan, bir adam órt kezinde, taǵy bireýi avtokólik astyna túsip qaza tapqan.
Sonymen qatar, eń kemi eki adam polıtsııadan jábir kórgen. Keıbir denelerdiń ornyn aýystyrǵan, ólilerdiń qolyna tapansha ustatyp shyqqan.
