Meksıka perzenthanasyndaǵy jarylys: sábılerdiń týystaryn DNK boıynsha izdeýde
ASTANA. QazAqparat - Meksıkalyq bılik Mehıkoda qulaǵan balalar aýrýhanasy men perzenthana úıindisinen tabylǵan toǵyz balanyń kim bolǵanyn anyqtaýda, dep habarlady Bı-bı-sı.
Bular - perzenthana mańynda gaz tasymaldaǵan júk kóligi jarylysynan aman qalǵan sábıler. Balalardyń ata-anasyn anyqtaý úshin DNK testileri júrgiziledi.
Mehıko meri atap ótkendeı, nárestelerde aýrýhanalyq bilezik bolmaǵan. Bul olardy aýrýhanaǵa ata-anasy ákelgenin bildiredi.
Jarylys saldarynan beısenbi kúni meıirbıke men eki sábı qaza tapty. 73 adam jaraqat aldy.
