Meksıka parlamentinde depýtattar tóbelesti

ASTANA. KAZINFORM – Meksıka parlamentinde depýtattar arasyndaǵy daýdan keıin tóbeles boldy, dep habarlaıdy The Guardian.

Tóbeles oppozıtsııalyq Instıtýtsıonaldyq revolıýtsııalyq partııanyń (PRI) jetekshisi Alehandro Moreno men bıleýshi «Morena» partııasynyń múshesi, senat tóraǵasy Gerardo Fernandes Norona arasynda boldy.

Oqıǵa Meksıkada sheteldik qarýly kúshterdi ornalastyrýǵa qatysty pikirtalastardan keıin bastaldy. Moreno sóıleýge ruqsat etilmegenine narazylyq bildirdi, Noronaǵa jaqyndap, oǵan qolyn kóterdi. Jaǵdaı tez ýshyǵyp, Moreno spıkerdi qorǵaýǵa tyrysqandarǵa da soqqy jumsady. Saldarynan fototilshi de zardap shekti.

Bul oqıǵa parlamentte úlken saıası dúrbeleń týdyrdy. Senat músheleri Morenoǵa qarsy qylmystyq is qozǵap, ony tártiptik jaýapkershilikke tartý, tipti depýtattyq mandatynan aıyrý múmkindigin qarastyryp jatyr.

Eske sala keteıik, Meksıka prezıdenti esirtki kartelderine qarsy AQSh-pen birlesken operatsııany joqqa shyǵardy.