Meksıka men Kanadaǵa qatysty 25%-dyq tarıfter kúshine enedi — Tramp

ASTANA. KAZINFORM — AQSh prezıdenti Donald Tramp Meksıka men Kanadaǵa 25 paıyzdyq baj salyǵy 4 naýryz kúni kúshine enetinin málimdedi, dep habarlaıdy Sınhýa aqparat agenttigi. 

— Bul - óte mańyzdy, Kanadaǵa 25 paıyzdyq jáne Meksıkaǵa 25 paıyzdyq tarıfter engiziledi. Bul - tek bastamasy, — dedi Tramp Aq úıde tilshilerge. — Ashyǵyn aıtqanda, olar AQSh-ta kólik zaýyttary men basqa da nysandardy salýy kerek, bul jaǵdaıda olarda tarıf bolmaıdy.

Sondaı-aq ol ózara tarıfter 2 sáýirden bastap kúshine enetinin rastady.

1 aqpanda D. Tramp Meksıka men Kanadadan ákelinetin taýarlarǵa 25 paıyzdyq baj salyǵyn, sondaı-aq Kanadanyń energetıkalyq resýrstaryna 10 paıyzdyq baj salyǵyn engizý týraly jarlyqqa qol qoıdy.

3 aqpanda ol Meksıka men Kanadadan keletin ımportqa qosymsha tarıfter bir aıǵa keıinge shegeriletinin habarlady, bul kelissózder úshin kóbirek ýaqyt beredi.

Osy sheshimge sáıkes, tıisti tarıftik sharalar 4 naýryzda kúshine enedi.

Buǵan deıin Tramp avtomobıl, farmatsevtıka jáne chıpterge 25% baj salyǵyn engizbekshi ekenin jazǵan bolatynbyz.