Meksıka marıhýanany zańdastyrýda
MEHIKO. QazAqparat – Meksıka kongresiniń depýtattary kámeletke tolǵan azamattardyń marıhýanany paıdalanýǵa ruqsat beretin zańnamalyq ózgertýi maquldady, dep habarlaıdy QazAqparat Euronews-ke silteme jasap.
Ózgeristi 316 depýtat qoldasa, 129-y qarsy boldy, taǵy 23-i qalys qaldy. Qabyldanǵan túzetýler 18 jastan asqan turǵynǵa jeke paıdalanýǵa arnalǵan 28 grammǵa deıin kannabıs alyp júrýge, sondaı-aq turǵylyqty jerinde alty-segiz túp qarasora ósirýge ruqsat beredi. Zań erejesin buzǵandarǵa aıyppul salynyp, túrmege qamalýy múmkin. Alaıda keıbir uıymdar marıhýanany saqtaý tolyǵymen zańdastyrylmaǵanyn synǵa aldy.
Kannabıs týraly túpkilikti sheshimdi Senat qabyldaıdy. Daýys berý 30 sáýirge deıin ótýi kerek. Kanada men Ýrýgvaıdan keıin Amerıka qurlyǵyndaǵy marıhýanany zańdastyrǵan úshinshi el – Meksıka bolady. Meksıka bıligi kannabıstiń aınalymyn zańmen retteý arqyly qýatty esirtki kartelderin álsiretýdi kózdeıdi.
