Meksıka Google korporatsııasyn sotqa berdi

ASTANA. KAZINFORM — Meksıka úkimeti Google korporatsııasyn AQSh-taǵy paıdalanýshylar úshin Google Maps qoldanbasynda Meksıka shyǵanaǵynyń ataýyn Amerıka shyǵanaǵy dep ózgertkeni úshin sotqa berdi. Bul týraly el prezıdenti Klaýdııa Sheınbaým málimdedi, dep habarlaıdy The Guardian.

— Sotqa talap aryz berdik, aryz áli qaralý kezeńinde, - dedi ol.

25 qańtarda AQSh prezıdenti Donald Tramp Meksıka shyǵanaǵyn Amerıkaǵa, al Alıaskadaǵy Denalı shyńyn MakKınlıge aýystyrýǵa buıryq bergen edi. Bul Soltústik Amerıkadaǵy eń bıik núkte jáne bastapqyda 1901 jyly qastandyqpen óltirilgen prezıdent Ýılıam MakKınlıdiń qurmetine atalǵan. Biraq 2015 jyly Barak Obama MakKınlıdi Amerıkanyń jergilikti turǵyndary qoldanatyn Denalı ataýyna aýystyrdy. Bul Alıaskada turatyn halyqtyń ótinishimen jáne eki negizgi partııa ókilderiniń qoldaýymen boldy.

—Bizdi alańdatatyn jalǵyz nárse - AQSh úkimetiniń Meksıka shyǵanaǵynyń ataýyn Amerıka shyǵanaǵy ataýyna ózgertý týraly buıryǵynyń oryndalýyn qamtamasyz etý. Jarlyqta tek AQSh-tyń kontınenttik qaırańyna jatatyn bóligi ǵana aıtylady, óıtkeni úkimettiń búkil shyǵanaǵynyń atyn ózgertýge quqyǵy joq, - deıdi Sheınbaým.

Meksıka prezıdenti eger shtattyń, taýdyń nemese kóldiń atyn ózgertýge qarsylyq bolmasa, olar óz aýmaqtaryn qalaǵandaı ataı alatynyn atap ótti. 

—Biraq Meksıkaǵa qatysty bóligin ózgertý múmkin emes, - dedi ol.

Eske sala keteıik, Tramp kanadalyqtarǵa usynysyn aıtty.