Meksıka ǵalymdary 8 myń jyldyq qoqıqaz jumyrtqasyn tapty
MEHIKO. TASS-QazAqparat - Meksıka ulttyq antropologııa jáne tarıh ınstıtýtynyń mamandary Mehıko shtatynyń Santa-Lıýsııa mýnıtsıpalıtetindegi Felipe Ángeles halyqaralyq áýejaıynyń qurylys ornynan tasqa aınalǵan qoqıqaz jumyrtqasy tapqanyn málimdedi, dep habarlaıdy QazAqparat TASS aqparat agenttigine silteme jasap.
Instıtýttyń habarlaǵanyndaı, bul qurlyqtyq Amerıka aýmaǵynda tabylǵan osyndaı alǵashqy olja.
«Ulttyq antropologııa jáne tarıh ınstıtýty (INAH) Felipe Ángeles halyqaralyq áýejaıynyń qurylysy kezinde erekshe saqtalǵan 8-12 myń jyl burynǵy qoqıqaz jumyrtqasyn zertteý nátıjelerin jarııalady. Qazyp alynǵan jumyrtqanyń uzyndyǵy - 93,491 mm, eni 55,791 mm; ol sopaqsha pishindi, daqtary joq», - delingen ınstıtýt málimdemesinde.
Jumyrtqa topyraqtyń saz qabatynda 31 sm tereńdikte jatqan.
Ǵalymdardyń pikirinshe, Soltústik Amerıkanyń qurlyqtyq paleokólderinde flamıngo qazbalarynyń bolýy tańqalarlyq bolyp kórinedi, óıtkeni qazirgi flamıngo túrleri Ońtústik Amerıkada, Karıb teńizinde jáne ıÝkatan túbeginde keń taralǵan, al Amerıka Qurama Shtattarynda ol Florıda men Meksıka shyǵanaǵynyń soltústik jaǵalaýynda kezdesedi.
«Santa-Lıýsııada jumyrtqanyń tabylýy qoqıqazdardyń Ortalyq Meksıkanyń kóldi landshafttarynyń bóligi bolǵanyn jáne bul kólderdiń muzdaný men janartaý belsendiliginen ózgeriske ushyraǵanyn rastap otyr»,-dep atap ótilgen INAH málimetterinde.
