Meksıka fýtboldan álem chempıonaty 1/8 fınalyna shyqty
ASTANA. KAZINFORM — Búgin fýtboldan 2026 jylǵy álem chempıonaty 1/8 fınalyna joldama alǵan taǵy bir qurama anyqtaldy.
Pleı-off satysynda Meksıka jáne Ekvador sheberlik baıqasty.
Mamandar bul kezdesýde qos quramanyń da múmkindigi birdeı dep baǵalaǵan edi. Olar álemdik deńgeıde joǵary jetistigimen kózge túse qoıǵan joq. Dese de kez-kelgen qarsylasyna laıyqty tótep berip, jaqsy nátıjesimen tanylyp júr. Sondyqtan kezdesý tartysty ótetini belgili edi.
Alǵashqy mınýttan tartysty oıyn órbitken jyldam gol soǵý múmkindigin izdegen edi. Osyndaı sátterdiń birinde meksıkalyq Hýlıan Kınones 22-mınýtta mergendigimen kózge tússe, odan keıin Raýl Hımenes basymdyqty arttyra tústi. Osylaısha Meksıka qarsylasynan 2:0 esebimen basym túsip, jarystyń kelesi satysyna shyqty.
Aıta ketsek, budan buryn Kanada, Brazılııa, Paragvaı, Marokko, Norvegııa, Frantsııa quramalary 1/8 fınalǵa shyqty.
Aıta ketsek, 1/8 fınaldaǵy keıbir quramalar óz qarsylastaryn anyqtady. Aldymen 4 shildede Qazaqstan ýaqytymen 22:00–de Kanada — Marokko kezdesse, 5 shildede 02:00–de Paragvaı — Frantsııa, 6 shildede 01:00–de Brazılııa — Norvegııa jasyl alańǵa shyǵady.
Aıta ketsek, budan buryn álem chempıonatynda Frantsııa Shvetsııany oısyrata jeńip, chempıonattyń 1/8 fınalyna shyqty.
