Meksıka djýnglıinde maıalyqtardyń kóne qalasy tabyldy
ASTANA. 22 maýsym. QazAqparat - Arheologtar Meksıkanyń ıt tumsyǵy ótpes ný ormandarynyń birinen maıalyqtardyń myń jyldyq kóne qalasyn tapty.
Bul jaıynda vesti.ru habarlaıdy.
Tabylǵan qalaǵa «Chaktýn» dep at qoıylǵan. Úndisterdiń tilinde bul «úlken tas» nemese «qyzyl tas» degendi bildiredi. Qala aýmaǵy shamamen 22 gektar jerdi alyp jatyr. Ǵalymdardyń paıymdaýynsha, qala 600-900 jyldary gúldený ústinde bolǵan.
Shamamen 1000-shy jyldary qala halqy jappaı kóship ketken. Qonys aýdarýǵa ne sebep bolǵany belgisiz. Oǵan soǵys, ne ashtyq, ne demografııalyq máseleler yqpal etýi múmkin. Eshqandaı tarıh derekterinde aty atalmaǵan shaharda arheologtar kóptegen eskertkishter, qurbandyq shalatyn oryndar, dinı-salttyq qurylǵylar, qarapaıym halyq baspanalary pen aqsúıekterdiń saraılaryn tapqan. Oǵan qosa, Chaktýnda bıiktigi 23 metrden asatyn 15 pıramıda da tabylǵan. Arheologtardyń aıtýynsha, myń jyldyq tarıhy bar shahar óziniń bastapqy qalpyn saqtap qalǵan.
