Meksıka buǵazynda tógilgen munaı úshin «VR» kompanııasy 19 mlrd dollar ótemaqy tóleıdi
ASTANA. QazAqparat - Brıtanııanyń munaı óndiretin «VR» kompanııasy 2010 jyly Meksıka buǵazyna munaı tókkeni úshin 18,7 mlr. dollar ótemaqy tóleıtin boldy, dep habarlady «VVS» kompanııasy.
Aıypty kompanııa 18 jylda tólep bitýi tıis, dep málimdedi AQSh-tyń Ádilet mınıstrliginen.
Bul qarajattyń 5,5 mlrd dollary azamattyq qaryzdardy óteýge baǵyttalǵan. 7 mlrd. zaqymdanǵan tabıǵatty qalpyna keltirýge jumsalsa, 4,9 mlrd dollar AQSh-tyń ekonomıkalyq shaǵymdaryn retteýge, 1 mlrd jergilikti memlekettik organdarmen daýlardy retteýge jumsalady. 2014 jyly AQSh bıligi «VR» kompanııasyna tenderge qatysýǵa, úkimetpen kelisim shart jasasýǵa qaıtadan ruqsat bergen bolatyn. Eske sala ketsek, 2010 jyly Meksıka buǵazynda munaı tógilgennen keıin AQSh bıligi kompanııamen jumys jasaýǵa shekteý qoıǵan. «Deepwater Horizon» burǵylaý platformasynda apat 2010 jyly 20 sáýir kúni boldy. Jarylystan 11 adam qaza taýyp, teńizge 3,2 - 4,9 mln barrelge deıin munaı tógildi.
