Meksıka bıznesmenderi qalalarǵa ásker kirgizýdi surap otyr
ASTANA. QazAqparat - Meksıkanyń Úılestirýshilik kásipkerlik keńesi bılikten benzın baǵasy kóterilgennen keıin bastalǵan tártipsizdikter barysynda bolyp jatqan zorlyq-zombylyq pen urlyq artyp otyrǵan qalalarǵa federaldy kúshterdi engzýdi surap otyr, dep habarlaıdy QazAqparat «RIA Novostı» agenttigine silteme jasap.
«Bizdiń qyzmetkerlerdiń, klıentterimiz ben dúkenderimizdiń qaýipsizdigin jáne quqyqtaryn qorǵaý úshin shtattar men qalalardyń polıtsııa kúshteri jetkiliksiz túrde jumyldyrylǵany aıdan anyq. Zardap shekken negizgi qalalarǵa federaldy kúshterdiń engizilýin suraımyz», - delingen uıymnyń habarlamasynda.
Keńes músheleriniń aıtýynsha, vandalızm aktilerine ulasqan qarsylyq aktsııalary kásipkerler, dúkender, týrızm men meıramhanalarǵa zardap tıgizýde.
Sondaı-aq bıznesmender benzınniń qymbattaýyna baılanysty áleýmettik jeliler arqyly quqyqqa qarsy áreketterge úndegen habarlamalarǵa egjeı-tegjeıli tergeý júrgizýdi talap etip otyr.
1 qańtar kúni benzınniń shamamen 20 paıyzǵa kóterilýine qarsy bastalǵan qarsylyq aktsııalary jappaı tártipsizdikterge jáne saýda núkteleriniń tonalýyna ulasty. Sońǵy málimetterge sáıkes, birneshe kúnniń ishinde shaǵyn, orta jáne iri bıznestiń 400-den astam saýda núktesine qaraqshylyq shabýyl jasaldy.
Tonaý faktileri latınoamerıkalyq memlekettiń barlyǵy 12 shtatynda belgilendi.
