Meksıka bıligi Mıchokan shtatyna ásker jiberdi
ASTANA. 14 qańtar. QazAqparat - Meksıka áskeri esirtki kartelderi men olarǵa qarsylyq kórsetip jatqandardyń qaqtyǵysy bolyp jatqan aýdandardy óz baqylaýyna alady. Bul týraly osy eldiń úkimeti málimdedi.
Meksıkalyq úkimet azamattardy qorǵaýǵa qaýqarsyz dep sanaıtyn turǵyndardan jasaqtalǵan top ótken aptada Mıchokan shtatyndaǵy birneshe shaǵyn qalalardy basyp aldy.
Olar bul qalalardy esirtki karteliniń múshelerinen tazartýdy ýáde etýde.
Óz kezeginde Meksıkanyń ІІM basshysy Mıgel Anhel Osorıo Chon ózin-ózi qorǵaýǵa kirisken bul toptyń ókilderin qarýlaryn tapsyryp, polıtsııaǵa járdemdesýge shaqyrdy.
