Meksıka astanasynda kólikterdiń 40 paıyzyna kóshege shyǵýǵa tyıym salyndy
ASTANA. QazAqparat - Mehıko qalasynyń ákimshiligi aýanyń qatty lastanýyna baılanysty qala kóshelerindegi júk jáne jeńil kólikterdiń sanyn 40 paıyzǵa azaıtý jónindegi sheshim qabyldady, dep habarlaıdy Bı-Bı-Sı agenttigi.
Naýryz aıynda shyqqan qaýlyǵa sáıkes, jumys kúnderi avtomobılderdiń besten bir bóligi paıdalanylmaýy tıis. Kóshede júretin kólikke ruqsat nómirindegi sandarǵa qaraı beriledi.
Ázirge bul shekteýler ekologııaǵa qatty áser etpedi. Sársenbi Mehıkoda kók tuman turdy. Lastaný da normadan joǵary boldy.
Qala bıligi buǵan Mehıkodaǵy qazirgi qurǵaq ári ystyq kóktem sebepshi bolyp otyr dep sanaıdy. Jel múldem joq. Qazir tútin-tozańnyń kólemi normadan 1,9 ese joǵarylap ketti.
Avtomobıl paıdalanýǵa qoıylatyn shekteýler jaýyn-shashyn maýsymy bastalǵan soń, maýsym aıynda alynady.
Sońǵy sanaqtaǵy kórsetkishke sáıkes, 2014 jyly qalada 4,7 mln avtomobıl tirkelgen.
