Mekkeniń bas meshitindegi namaz endi 2 shetel tiline aýdarylatyn boldy
ASTANA. QazAqparat - Mekkedegi ıslamnyń bas meshiti Ál-Masdjıd ál-Haramda 28 aqpannan bastap namaz sınhrondy túrde 2 shet tiline - aǵylshyn jáne ýrdý tilderine aýdarylady.
Arab tilin meńgermegen musylmandar qulaqqalqany arqyly namazdy atalǵan shet tilderiniń birinde tyńdaı alady, dep habarlady «Ál-Jazıra» arnasy
Imam ýaǵyzdaryn ózge tilde tyńdaımyn degender juma namazynyń aldynda qulaqqalqandy (naýshnıkı) ala alady. Aýdarma qysqa tolqyndy dıapazon jıiliginde beriledi.
Juma namazy ýaqytynda Mekkedegi ıslamnyń Ál-Masdjıd ál-Haram meshitine mıllıonǵa jýyq adam jınalady. Olar Alla úıiniń ishine ǵana emes, sonymen qatar onyń balkony, tipti shatyryna da jaıǵasady, dep habarlady ITAR-TASS.
