Mekkelik ımam namaz ústinde qaıtys boldy
ASTANA. QazAqparat - Qasıetti Mekke shaharyndaǵy meshittiń ımamy namaz ýaqytynda ómirden ozdy. Ol osy namazdan soń emhanaǵa tekserilýge barǵaly otyrǵan kórinedi. Bul týraly ummet.kz habarlady.
Saıttyń jazýynsha, sheıh Imdadýlla Kareı Mekkeniń batysyndaǵy meshitte keshki namaz bitýge taıaǵan shaǵynda aqtyq demi úzildi. Sheıhtiń uly ıÝsýftyń aıtýynsha, ákesi qan qysymymen aýyrǵan jáne júrek aqaýy da bolypty. Namazdan keıin sheıh emhanadaǵy dárigerine barýy kerek bolatyn.
