Mekkege jaıaý attanǵan jerlesimiz qajylyq paryzyn oryndap qaıtty
ASTANA. QazAqparat - Qajylyq paryzyn óteýge Mekkege jaıaý attanǵan jerlesimiz Dýlat Imanqajy qulshylyǵyn oryndap, aman-esen elge oraldy, dep jazady muslim.kz.
Esterińizge salsaq, Astana qalasynyń 47 jasar turǵyny 6 shildede bas qaladan shyqqan bolatyn. Biraq Atyraýǵa jetkende qarjysy taýsylyp, 1 aptadaı kidirgen bolatyn. Sol kezde jergilikti kásipkerler saıahatshynyń Mekkege jetýine qarjy jınap bergen edi. Dýlat Imanqajy Atyraý arqyly oralyp, alǵys aıtýǵa ýáde bergen bolatyn.
Ol búgin tańerteń Atyraý halyqaralyq áýejaıyna túsip, qasıetti mekenge aıaq tıgizýge atsalysqan atyraýlyqtarǵa alǵysyn bildirdi.
Aqtaý arqyly Bakýge, odan ári Iran men Kýveıt arqyly Mekkege jaıaý jetýdi oılaǵan jelaıaq 7 myń jarym shaqyrym joldyń bes myń shaqyrymyn jaıaý júrip ótken. Qazaqstannyń 5 oblysy men 4 memleket arqyly ótip, qyrkúıektiń 15-nde Saýd Arabııasyna jetken. «Men sportshy retinde osy marafon arqyly salaýatty ómir salty men ımandylyqty nasıhattaý maqsatymdy oryndadym», - deıdi Dýlat Imanqajy.
