Mekkege aparam dep san soqtyrdy: 13 epızod boıynsha tergeý júrip jatyr
ASTANA.KAZINFORM — Astanada týrıstik kompanııada jumys istegen 27 jastaǵy er adamǵa qatysty alaıaqtyq faktisi boıynsha sotqa deıingi tergeý bastaldy. Bul týraly Polisia.kz jazdy.
— Ózin týrıstik kompanııa qyzmetkeri retinde tanystyrǵan er adam qajylyq sapardy uıymdastyrýdy ýáde etip, azamattardan mıllıondaǵan teńge jınap alǵan, — delingen habarlamada.
Alaıda ýáde oryndalmaı, jábirlenýshiler sany artyp otyr. Aldyn ala málimetterge sáıkes, kúdikti azamattarǵa Mekke qalasyna qajylyq saparyn uıymdastyryp beremin dep ýáde bergen. Ol joldama, vıza rásimdeý jáne áýe bıletterin alyp berý qyzmetterin syltaý etip, jábirlenýshilerden aldyn ala aqsha alǵan. Alaıda ýáde etilgen qyzmet oryndalmaǵan. Qazirgi ýaqytta 13 epızod anyqtaldy.
— Keltirilgen jalpy materıaldyq shyǵyn kólemi 2,2 mln teńgeni quraıdy. Tergeý barysynda jábirlenýshiler sany artýy múmkin. Atalǵan derek boıynsha sotqa deıingi tergeý júrgizilip jatyr. Kúdiktiniń ózge de osyǵan uqsas qylmystarǵa qatysy bar-joǵy anyqtalyp jatyr, — dep habarlady quzyrly organnan.
Eske sala keteıik, buǵan deıin qajylyqqa aparatyn kompanııalar konkýrs arqyly irikteletinin jazǵan edik.
