Mekkedegi metro qurylysy 2014 jyly bastalady
ASTANA. 8 shilde. QazAqparat - Qasıetti Mekke qalasynda tórt joldy, 88 beketi bar ári jyldam júretin qoǵamdyq kólik jelisi iske qosylatyn jyldam kólik júıesiniń qurylysy qolǵa alynbaqshy. Bul jaıynda Arab News Mekke shaharynyń ákimi Ýsama ál-Baraǵa silteme jasaı otyryp, habar taratty.
Atalmysh jobanyń jalpy quny 62 mlrd saýd rıalyn (1 dollar - 3,75 rıalǵa teń) quraıdy. Onyń alǵashqy kezeńi kelesi jyldyń orta sheninde bastalyp, jospar boıynsha úsh jyldyń ishinde aıaqtalýy tıis.
Metro úlken meshittiń mańynan úshinshi kólik aınalymyna deıin jer astynan salynady. Odan ary jerdiń ústimen ketedi.
muslim.kz saıtynyń jazýynsha, metro qurylysynyń alǵashqy kezeńi Ýmm ál-Qura ýnıversıtetinen «Saıd Aısha» meshitine deıingi 30 shaqyrymdyq aralyqty qamtıtyn bolady.
Metromen baılanysty avtobýstar 60 shaqyrym qashyqtyqqa deıin qatynaıdy ári 60 aıaldama bolady.
