Mekkedegi keptelis: 717 adam kóz jumyp, 863 adam jaraqat alǵan
ASTANA. QazAqparat - Saýd Arabııasynda keptelis saldarynan qaza tapqan qajylyq paryzyn óteýshilerdiń sany 717 adam boldy. Al jaraqat alǵandar sany 863 adam. Bul týraly koroldiktiń azamattyq qorǵanys qyzmetine silteme jasap, TASS habarlady.
Buǵan deıin 453 adam ólgeni, 719-y jaraqat alǵany habarlanǵan edi.
Tańerteń musylmandar úshin kıeli qala Mekkeden birneshe shaqyrym jerde ornalasqan Mına jazyǵynda musylmandardyń Id ál-Adha - Qurban aıt merekesiniń qurmetine oqylǵan namazǵa kóptegen elderden kelgen júzdegen myń qajy jınaldy.
Aıta keteıik, Qurban aıttyń birinshi kúni (zılhıjjanyń 10-ynshy kúni) qajylyq paryzyn óteýshiler Mınada shatyrlarǵa ornalasqannan keıin shaıtanǵa tas laqtyrý úshin úlken shaıtanǵa (Aqaba jámrasyna) barady. Qurban aıttyń birinshi kúni úlken shaıtan tasqa (Aqaba jámrasyna) jeti tas laqtyrylady. Keptelis osy kezde oryn alǵan tárizdi. QR SІM aldyn ala boljam boıynsha keptelis saldarynan qaza tapqandar qatarynda qazaqstandyqtar joq ekendigin habarlaǵan.
