Mekkedegi qajylyq kezinde lańkestikke qatysy bar degen kúdikpen 54 adam ustaldy
ÁBÝ-DABI-MEKKE. QazAqparat - Saýd Arabııasynyń Qaýipsizdik organdary aǵymdaǵy jyldyń 3-11 qyrkúıegi aralyǵynda jyl saıynǵy qajylyqty uıymdastyrý kezinde terrorızmge qatysy bar degen kúdikpen 54 adamdy ustady.
Kúdiktilerdiń qataryna 30 saýdarabııalyq, Bahreınniń 13 azamaty, Brýneıdiń 1 azamaty men taǵy alty eldiń ókilderi ilikti.
3 qyrkúıekte 13 kúdikti, sonyń ishinde Bahreınniń 9 azamaty, 3 pákistandyq, eki saýdarabııalyq, bir ıemendik jáne bir sýdandyq qolǵa tústi. 5 qyrkúıekte taǵy bes kúdikti ustaldy.
Osy maýsymda qajylyqty uıymdastyrý úzdik qaýipsizdik sharalarymen erekshelendi. Mekkeniń barlyq sektoryna ornatylǵan 5000 kamera qoldanylǵan «Kóz» beınebaqylaý júıesi Úlken meshit janyndaǵy radıýsy shamamen 10 shaqyrymdy quraıtyn aýmaqty qamtydy.
Saýd qaýipsizdik ofıtserleri qajylyqqa barǵandardyń ár baǵyty men jınalǵan oryndaryn baqylaǵanyn aıtty. Saýd Arabııa Koroldigi ÁQ kapıtany Tarek Al-Azam 1,8 mıllıonnan astam qajylyqqa kelýshilerdiń qaýipsizdigin qamtamasyz etý úshin ondaǵan úzdik ofıtser táýlik boıy kezekshilikte bolǵanyn aıtty.
