Mekkedegi elimizdiń qajylyq mıssııasynda medıtsınalyq ortalyq ashyldy (FOTO)

ASTANA. QazAqparat - Mekke qalasynda resmı qyzmetine kirisken Qazaqstan Qajylyq mıssııasynyń Bas keńsesinde qajylar úshin medıtsınalyq ortalyq ashyldy, dep habarlady www.old.muftyat.kz.

Medortalyqtyń ashylý rásimine Mıssııa tóraǵasy Ǵylymbek Májıev, QMDB bólim meńgerýshileri, teolog-ǵalymdar, qazaqstandyq dárigerler qatysty.

Qajylyq Mıssııasynyń múshesi, dárigerler tobynyń jetekshisi Erlan Ábdirashev Ǵ.Jádigeruly medıtsınalyq ortalyqtyń jumysymen tanystyrdy.

«Biz jyl saıynǵy dástúr boıynsha ózimizdiń otandyq dári-dármekterimizdi alyp keldik. Medortalyqta qajylarymyz úshin eń qajetti ári tez áser etetin dáriler bar. Dárigerlerimiz qazir qyzmetine kirisip ketti. Biz qajylarymyzǵa 24 saǵat boıy qyzmet kórsetýge daıynbyz», - dedi dáriger-hırýrg E.Ábdirashev.

Medortalyqta statsıonarlyq kómek te kórsetiledi. Top jetekshisi kúndizgi jáne túngi aýysymmen úzdiksiz alǵashqy medıtsınalyq kómek kórsetýge daıyn ekenin málimdedi.

Mıssııa tóraǵasy Ǵylymbek Jádigeruly medortalyqtyń jumysyna sáttilik tiledi. «Alla Taǵala sizderge qýat bersin. Bas múftı Erjan qajy Malǵajyuly búkil qazaqstandyq qajylarymyzdyń densaýlyǵyn sizderge amanat etip tapsyrýda. Jumystaryńyzǵa sáttilik tileımin», - dedi ol.