Mekkede taǵy bir qazaqstandyq qaıtys boldy
ASTANA. QazAqparat - Mekkege qajylyq paryzyn óteýge ketken qazaqstandyq azamat Nursultan Alpysbaev qaza tapty. Bul týraly QazAqparatqa N. Alpysbaev osyǵan deıin qyzmet jasaǵan Eýrazııa ulttyq ýnıversıtetiniń baspasóz qyzmetinen habarlady.
«Nursultan Alpysbaev Eýrazııa ulttyq ýnıversıtetiniń dene tárbıesi jáne áleýmettik ǵylymdar kafedrasynyń aǵa oqytýshysy bolyp jumys jasaǵan. Bizdiń oqý ornynda 35 jyldaı qyzmet etip keledi. Marqumnyń qaıtys bolý sebepteri áli belgisiz», - dep habarlady oqý ornynan.
Eske sala keteıik, osyǵan deıin Mekkede 78 jastaǵy Qazaqstan azamatshasy júrek talmasynan qaıtys bolǵan bolatyn .
