Mekkede Paıǵambar ómirinen syr shertetin murajaı ashyldy
ASTANA. 4 qańtar. QazAqparat - Jaqynda «Paıǵambarym, Saǵan ıgilik jaýsyn!» dep atalatyn murajaı ashyldy. Bul týraly Áziret Sultan meshitiniń muslim.kz saıty habarlaıdy.
Murajaıda 1500-ge tarta jádiger qoıylǵan. Olardyń arasynda sol dáýirdegi Mekke men Mádına úıleri, sahabalardyń tynys-tirshiligi, maıdan dalasyndaǵy soǵys qımyldarynyń shaǵyn kóshirmeleri bar. Sondaı-aq, saýyt-saıman men qarý-jaraq túrleri, jaýyngerdiń kıim úlgileri de jádigerlerdiń qatarynan oryn alǵan. Sonymen qatar, onda paıǵambarymyz Muhammed Mustafa (s.a.ý.) men sańlaq sahabalardyń turǵan úıleriniń de maketi qoıylǵan.
Murajaı jańa tehnologııamen jabdyqtalǵan. Kelgen qonaqtar plazmalyq ekran arqyly Mekke men Mádına qalalarynyń kórinisin jáne Alla Elshisi Muhammed Mustafanyń (s.a.ý.) shejiresin tamashalaı alady.
