Mekkede meshit bosaǵasyna jarylǵysh zat detektorlary ornatylýda
ASTANA. 16 tamyz. QazAqparat - Saýd Arabııasynyń basshylyǵy musylman álemindegi eń basty qasıetti oryn - Mekkeniń Masdjıd ál-Haram meshitindegi qaýipsizdik sharalaryn kúsheıtýdi qolǵa alyp, onyń bosaǵasyna metall men jarylǵysh zat detektorlaryn ornatý jóninde sheshim qabyldady,
dep habarlaıdy Newsru.com.
Qazirgi ýaqytta meshitke kelgen qajylardy tintý jumystarymen birneshe aýysymǵa bólinip, 180 adam aınalysýda. Olardyń qoldarynda qarý men jarylǵysh zat anyqtaıtyn zamanaýı quraldar joq, dep jazady The Guardian.
Musylman qaýymnyń qadir tutatyn Qaǵbasy ornalasqan qasıetti meshittiń qaýipsizdigine jaýap berýshi Favaz as-Sahafıdiń aıtýynsha, metall men jarylǵysh zat detektorlaryn ornatý jumystary bastalyp ketken.
Sonymen qatar ol meshit ishindegi adamdar qozǵalysyna baqylaý ornatýdy usynyp otyr. Onyń oıynsha, bul mindetti áskerı kıim kıgen qaýpsizdik qyzmetiniń qyzmetkerleri atqarýy kerek. Negizgi mindetterdiń biri - meshit ishine tyıym salynǵan taǵam alyp kiretin adamdardy anyqtaý.
