Mekkede qajylyq bastaldy

ASTANA. QazAqparat - 2 mıllıonǵa jýyq musylman Saýd Arabııasynyń Mekke qalasynda ózderiniń qajylyq mindetin atqarýǵa kiristi, dep habarlaı dy QazAqparat 24.kz silteme jasap.

Jergilikti bıliktiń málimdeýinshe, bıyl bes paryzdyń birin oryndaý úshin elge álemniń túkpir-túkpirinen 1 mıllıon 700 myńǵa jýyq sheteldik kelgen. Qalǵany - osy eldiń azamattary. Olar úsh kún ishinde Muhammed paıǵambardyń ómirimen baılanysty oryndarǵa baryp, qajylyq salttaryn jasaıdy. Onyń ishinde Kaǵbany jeti ret aınalyp, táý etý, Arafada turý, Muzdalıfada túneý, shaıtanǵa tas atý, qurbandyq shalý sııaqty amaldar bar.

Qurbandyq shalýdan keıin Qurban aıt bastalady. Qajylyqqa baılanysty Saýd Arabııasynda qaýipsizdik sharalary kúsheıtilgen. Sondaı-aq ádettegideı jedel dárigerlik qyzmet kórsetý toptary kóbeıtilip, adamdarǵa ártúrli jaǵdaıda kómek kórsetetin toptar qurylǵan.