Mekkede qaza tapqandardyń qatarynda Islam ǵulamalary bar
ASTANA. QazAqparat - Júzdegen jannyń ómirin jalmaǵan Mınadaǵy qyspaq kezinde qanshama qajy is-tússiz ketip, áli kúnge deıin joǵalǵandardyń qataryna jatqyzylyp keledi. Dereksiz ketkenderdiń tiziminde birneshe Islam ǵulamalary da bar kórinedi.
Bul týraly www.muslim.kz saıty habarlady.
Qazirgi ýaqytta izdestirý sharalary júrgizilip jatqanymen, iz-tússiz joǵalǵandardy qaza tapqandar qataryna jatqyza bastady. Solardyń arasynda belgili úndi ǵalymy, múftı Mýhammed Farýk te bar. Hadıs ilimi men fıqh salasynda 50-ge kitap jazǵan ol 700-den astam stýdent oqıtyn Islam oqý ordasyn basqaratyn edi.
Sondaı-aq, Mınadaǵy dúrbeleń kezinde ırandyq elshi Gazanfar Rýknabadı de joǵalyp ketken. Ol 2010-2014 jyldar aralyǵynda Lıvan elinde elshilik qymet atqarǵan bolatyn. Alaıda, Saýd Arabııasy bıligi onyń elge engen qajylar tizimi ishinde bolmaǵanyn aıtyp otyr. Eki el arasyndaǵy daýdyń bastalýyna osy oqıǵa sebep bolǵan edi.
Nıgerııa memleketindegi Maıdýgýrı ýnıversıtetiniń ıslam ǵylymdary jónindegi proffesory Tıdjanı El-Mıskın de Mına jazyǵynda dám-tuzy taýysylyp, qasıetti mekenge jerlengen.
Nıgerııa eliniń tuńǵysh áıel-redaktor atanǵan jýrnalıst Bılkısý ıÝsýf te osy qyspaq kezinde ómirmen qosh aıtysty.
