Mekkede álemdegi eń iri qonaqúı salynýda (FOTO)
ASTANA. QazAqparat - Saýda Arabııasynda álemdegi eń iri qonaqúı ashylady, onda 10 myń nómir bolmaq, dep habarlady «ál-Jazıra» telearnasy.
«Kobı munaralary» dep atalatyn jańa otel musylmandar úshin qasıetti Mekke qalasynda ashylmaq. Qonaqúı 12 kópqabatty munaradan turady, olarda apartamentterden ózge, 70 meıramhana, birneshe ondaǵan bıznes ortalyqtary men májilis zaldary, sýpermarketter, tipti, tikushaq alańdary qamtylmaq. «Kobı munaralarynan» ishki aýlasynda Qaǵba ornalasqan ál-Haram meshiti tolyq kórinetin bolady.
Joba quny shamamen $3,5 mlrd. quraıdy. Ony Saýd Arabııasynyń Qarjy mınıstrligi qarjylandyrýda. Qonaqúı alǵashqy kelýshiler úshin esigin 2017 jyly ashady dep kútilýde.
Aıta keteıik, jyl saıyn Mekkege qajylyq paryzyn óteý úshin 1,3 mln. astam adam barady, taǵy birneshe mıllıondaǵan adamdar kishi qajylyq - ýmra qajylyǵyn óteıdi. Ár jyly qala bıýdjetine qajylyqqa kelýshilerdiń esebinen $9 mlrd. jýyq qarajat túsedi.
