Mekke Oraza aıt qarsańynda 200-ge jýyq saıabaq ashatyn boldy
ASTANA. 3 tamyz. QazAqparat - Kıeli Mekke shaharynyń ákimshiligi oraza aıtta qala turǵyndary men qonaqtarynyń qamyn oılap, 193 saıabaq pen saıajol daıyndaýǵa kirisip ketti. Bul jaıynda al-Arabiya basylymy habar taratty.
Qala ákimshiligi ázirge saıabaq pen saıajolǵa arnalǵan aýmaqty anyqtap, sýmen qamtamasyz etý jáne bel jazyp, aıaq sýytatyn oryndardy ázirleý jumystarymen aınalysyp jatyr. Muslim.kz saıtynyń jazýynsha, Oraza aıttyń qurmetine oraı ashylatyn saıabaqtyń aýmaǵy 70 myń sharshy metr jerdi almaq. Onda 286 balalar alańy qarastyrylǵan.
Osynaý qasıetti kóne shaharda 226 myńnan asa aǵash bar. Palma aǵashanyń ózi 14 myńnan asyp jyǵylady eken. Sondaı-aq, 221 sý kózi bar.
