Mekke mańynda musylman jamaǵattyń qajylyq paryzyn óteý rásimi bastaldy
sp;ASTANA. Qarashanyń 25-i. QazAqparat - Álemniń ondaǵan elinen jınalǵan úsh mıllıonǵa jýyq zııarat etýshiler búgin Mekke qalasynyń mańyndaǵy Mına taýyna keldi,
dep habarlaıdy reseılik «Jańalyqtar» agenttigi Saýd baspasózine silteme jasap.
Úsh jaǵynan Mına taýy qorshap turǵan qasıetti Islam astanasynan bes shaqyrym jerde qajylyqtyń negizgi rásimderin óteý bastaldy. Aqshańqan shatyr qalashyǵynda 40 myń otqa janbaıtyn shatyrlar ornatylǵan, erteń zııarat etýshiler Arafat taýynda bolyp, Allahqa qulshylyq jasaıdy.
Aýmaǵy 650 gektar shatyrly qalashyqta zııarat etýshiler úshin barlyq jaǵdaı jasalǵan. Onda dúkender, ashanalar, shashtarazdar, sanıtarlyq torap, medıtsınalyq qyzmet kórsetý oryndary, mamandandyrylǵan gospıtal kózdelgen. Qulshylyq etýshilerdiń arnaıy baǵyttar boıynsha júrip-turýy beınekameralarmen baqylanady. Qajylyq rásimin atqaratyn jerde qoǵamdyq tártipti 100 000-ǵa tarta polıtseı qamtamasyz etýde.
Islamnyń besinshi paryzyn óteýge kedergi keltiretin eshqandaı oqıǵalar jóninde habar túsken joq.
