Mekke qalasynda tańǵajaıyp mýzeı ashylady (FOTO VIDEO)
ASTANA. QazAqparat - Qasıetti Mekke shaharynda Islam dinine arnalǵan erekshe mýzeı ashylatyn bolady. Ál-Haram meshitinen jeti shaqyrym qashyqtyqta ornalasatyn bul mýzeıdiń jalpy aýmaǵy 5600 sharshy metrdi quraıdy.
Mýzeı Islam dininiń tarıhy men Paıǵambarymyzdyń (s.ǵ.s.) ómiri jaıy baıandaıtyn bolady. dep jazady muslim.kz.
Mýzeı dızaınyn London qalasynan kelgen sáýletshiler syzǵan.
Mýzeı bir ýaqytta myńdaǵan kelýshige qyzmet kórsete alatyn bolady. Ǵımarat ishinde dáris zaldary men kitap dúkenderi de oryn alady. Sondaı-aq, ǵımarat shatyryndaǵy baq ishinde serýendep, meıramhanada tamaqtanýǵa bolady.
Ǵımarattyń orama tárizdes baspaldaqtarynda Alla Taǵalanyń 99 esimi jazylǵan ekspozıtsııa ornalastyrylady.
