Mekke qalasynda QMDB tóraǵasy, Bas múftıdiń atynan qazaqstandyq qajylarǵa as berildi (FOTO)

ASTANA. QazAqparat - Búgin Mekke qalasynda jyldaǵy dástúr boıynsha QMDB tóraǵasy, Bas múftı Erjan qajy Malǵajyulynyń atynan qazaqstandyq qajylarǵa as berildi. Bul týraly Mekke qalasynan qazaqstandyq «Asyl arna» telearnasynyń jýrnalısteri Nurbolat Qýanyshbekuly men Maqsat Erkinbekuly habarlady.

Aıtýly jıynǵa 20 kompanııanyń ókilderi, qajylyq mıssııasynyń quramy jáne qajylyq paryzyn óteýshiler keldi. Olardyń arasynda 9 jyldyq tájirıbesi bar "Ańsar krýız" qajylyq kompanııasynyń basshylyq quramy men qajylary bar. Jıyn barysynda QMDB ókilderi baıandama jasap, ımamdar ýaǵyz aıtyp, qoǵam qaıratkerleri quttyqtaýlaryn joldady. Aıtysker aqyn Serikzat Dúısenǵazın qajylyq týraly jyr shýmaqtaryn oqyp, kórermenniń qoshemetine bólendi. Dámdi astan tatyp, rýhanı áńgimelerden sýsyndaǵan otandastar mundaı bastamaǵa dán rıza.

Esterińizge sala ketsek, bıyl 4 myńnan astam otandasymyz qajylyq paryzyn óteý úshin Mekkege taban tiredi. Olarǵa bilikti dárigerler, teolog-ǵalymdar, 100-ge tarta ımamdar jáne jýrnalısterdi biriktirgen QMDB-nyń Qajylyq Mıssııasy qyzmet kórsetýde. "Asyl arna" telearnasy, «Qazaqstan» Ulttyq arnasy, «Shalqar» radıosy, "Nur.kz" portaly jáne ózge de BAQ ókilderi qajylardyń tynys-tirshiliginen udaıy habardar etip otyrady.