Mekenjaıy boıynsha turaqty tirkeýi joq azamattar qalaı daýys beredi
ASTANA. QazAqparat – Qazaqstandyqtar 19 naýryz kúni ótetin Májilis pen maslıhat saılaýynda tirkeýde bar-joǵyna qaramastan, daýys bere alady. Óıtkeni, olar óz aýmaǵyndaǵy ýchaskelerge bir kúnge tirkeýge alynady. Bul týraly «Azamattarǵa arnalǵan úkimet» memlekettik korporatsııasynan málim etti, dep habarlaıdy QazAqparat tilshisi.
«Elimiz boıynsha 4 myń saılaý ýchaskesi azamattardy qabyldaıdy. Olardyń ishinde 188 ýchaskede HQO qyzmetkerleri jumys isteıdi. Mamandar saılaý ýchaskesiniń ornalasqan jeri boıynsha tirkelmegen azamattarǵa daýys berý múmkindigin usyný úshin bir kúndik tirkeýge turǵyzady», - delingen korporatsııanyń resmı saıtynda jarııalanǵan habarlamada.
Ortalyq mamandary azamattardy tirkeýdi saılaý kúni saǵat 7:00-20:00 aralyǵynda júrgizedi. Al, 20 naýryzda turǵyn bir kúndik tirkelgen jerinen avtomatty túrde shyǵarylady.
HQO mamandary jumys isteıtin saılaý ýchaskeleriniń mekenjaılaryn myna jerden bilýge bolady.
