Mekeev Arman Ospanovtyń jeńilisi haqynda: jattyǵýdan soń sýǵa túsýi zııanyn tıgizdi
ASTANA. QazAqparat - QR MMA, pankratıon jáne greplıngulttyq federatsııasynyń prezıdenti Saǵyndyq Mekeev Arman Ospanovtyń brazılııalyq TıagoLýıs Sılvadan jeńilgen kezdesýine qatysty pikirin bildirdi, dep habarlaıdy «QazAqparat»HAA tilshisi.
«Birinshi qateligi -Arman Mahachkalada júrgen kezinde Kaspıı teńizine shomylǵan. Sodan jara paıda bolǵan. Atyraýǵa kelgen kezde ózim kútip alǵan edim. Qoly isip ketkenin kórip,Armanǵa «bul jaraqatpen qalaı sharshy alańǵa shyqpaqshysyń» dep suradym. Kóp jyl boıy balalardy tárbıelep júrgendikten, jaranyń jaıyn bildim. Ol biraq namysty jigit qoı... 12 myń halyq Almatyda jınalatynyn bildi. Qazir sol jeńilistiń kesirinen reıtıngi túsip ketti. Bolǵan is boldy. Ózi de túsindi. Jaqynda kezdesip, áńgimelestik. 6-7 qazan kúnderi Astanada MMA-da ótetin chempıonatqa da keledi. Armanǵa daıyndalý kerektigin aıttym. Bizdiń úmit kúttirip júrgen sportshymyz ǵoı. Ózin kóterse bir-eki jylda Armannyń AQSh-qa UFC-ge de barýǵa da múmkindigi bar. Azdap kúteıik», - deıdi Saǵyndyq Mekeev.
Eske sala keteıik, 9 qyrkúıek kúni Almaty qalasynyń 1001jyldyǵyna oraı «Almaty Arena» sport kesheninde Arman Ospanov pen brazılııalyqTıago Lýıs Sılva arasynda jekpe -jek ótken edi. Qazaqstandyq sportshy sol kezde kásibı sportta tuńǵysh ret jeńilgen bolatyn.
