Mehr News Agency: Izraıl Iranmen 12 kúndik soǵystan 40 mlrd dollar shyǵynǵa batty

ASTANA. KAZINFORM – Iran agenttiginiń málimetinshe, Izraıldiń Iranmen 12 kúndik soǵystan kelgen resmı shyǵyny – naqty shyǵynnyń tek bir bóligi ǵana. Bul týraly Kazinform menshikti tilshisi habarlady. 

Mehr-diń jazýynsha, Izraıldiń resmı ekonomıkalyq shyǵyny 12-20 mlrd dollar deńgeıinde kórsetilgen. Alaıda, basylymnyń málimetinshe, keshendi baǵalaý shyǵynnyń aıtarlyqtaı aýqymdy ekenin kórsetip otyr. 

Naqtyraq aıtqanda, Mehr atap ótkendeı, Izraıldiń tikeleı áskerı shyǵyndary 12,2 mlrd dollardy, ekonomıkalyq kúıreý men bıznestiń jabylýynan kelgen shyǵyn 21,4 mlrd dollardy, Iran shabýyldarynan keltirilgen qıraýlardyń saldarynan bolǵan shyǵyn 4,5 mlrd dollardy, al evakýatsııa men qalpyna keltirý shyǵyndary 2 mlrd dollardy qurady. Jalpy qarjylyq shyǵyn 40 mlrd dollardan asty.

AQSh prezıdenti Donald Tramp maýsym aıynda Izraıl men Iran arasynda 12 kúnge sozylǵan qarýly qaqtyǵysty toqtatýǵa baǵyttalǵan «atysty tolyq jáne túpkilikti» toqtatý týraly rejımine qol jetkizilgeni týraly jarııalady.