Mehıkoda salmaǵy 9,37 tonnadan asatyn alyp nan pisirildi
ASTANA. QazAqparat - Mehıkoda 200 myńǵa jýyq adam alyp bólkeden dám tatty. Bul taǵam Meksıka astanasynyń ortalyq alańyna qoıyldy, dep habarlaıdy sheteldik BAQ.
Salmaǵy 9,37 tonnadan asatyn jáne uzyndyǵy 1,44 shaqyrymǵa sozylatyn bul taǵam katolıkter merekesi - Volhov kúni qarsańynda Sokalo ortalyq alańy men onyń mańyndaǵy eki kósheniń boıyna ornalastyryldy. Shamamen 200 myńǵa jýyq adam onyń dámin tatyp kórdi. Jyl saıyn Volhvov kúni merekesi qarsańynda alańda osyndaı ónimniń daıyndalýy dástúrge aınalǵan. Bul joly ony daıyndaýǵa jergilikti 50 naýbaıhana qatysty. Nandy ıleýge 4,9 tonna un, 2 tonna qant, osyndaı kólemde margarın, 43,2 myń jumyrtqa, 900 keli ashytqy paıdalanyldy. Sondaı-aq 500 keli marmelad, 800 keli sary maı, 50 keli tuz jáne ony bezendirýge qajetti ózge de qospalar jumsaldy. Aıta keteıik, 6 qańtar kúni katolıkter ústelge bólke nan qoıatyn merekeni atap ótedi.
