Mehıkoda gaz quıylǵan avtotsısternanyń jarylýynan mert bolǵandar sany 15-ke jetti

ASTANA. KAZINFORM – Mehıkoda 10 qyrkúıek kúni suıytylǵan gaz toltyrylǵan avtotsısterna jaryldy. Oqıǵa saldarynan mert bolǵandar sany 15-ke jetti, 38 adam aýrýhanada jatyr. Bul týraly Meksıka astanasynyń densaýlyq saqtaý mınıstri Nadın Gassman málim etti, dep jazady reseılik TASS.

- Bizge taǵy bir adamnyń mert bolǵany habarlandy. Osylaısha, qurbandar sany 15-ke jetti, - dep keltirdi Gassmannyń sózin La Razon basylymy.

Ol sonymen qatar aýrýhanada 38 adam jatqanyn, olardyń 14-niń jaǵdaıy aýyr ekeni habarlandy.

Aıta keteıik, 10 qyrkúıek kúni Mehıkonyń Istapalla aýdanyndaǵy jolaıyryǵynda suıytylǵan gaz quıylǵan kólik jaryldy. 20-dan astam kólik janyp ketti, jaqyn arada turǵan ǵımarattarǵa zaqym keldi.

Osyǵan deıin Meksıkanyń ońtústik-batysynda mıkroavtobýs apatqa ushyrap, 15 adam mert bolǵany týraly jazdyq.