Mehıko ortalyǵynda adamnyń bas súıekterinen salynǵan qabyrǵa tabyldy
ASTANA. QazAqparat - Arheologtar Mehıko qalasynyń tarıhı ortalyǵynan atstekter dáýirinde adamdardyń bas súıekterinen salynǵan qabyrǵanyń ústinen tústi.
Gvatemala kóshesinde tereńdigi eki metr jerden uzyndyǵy shamamen 30 metrdeı, ortalyq bóliginde sheńber túrinde qoıylǵan birneshe ondaǵan bas súıekteri bar tikburyshty platforma tabyldy.
Soltústikten ońtústikke qaraı ornalastyrylǵan qabyrǵa sylaq jáne plıtkamen jabylyp, tastarmen qalanǵan. Ǵalymdar 35 bas súıekti sanady, alaıda onyń sany aıtarlyqtaı kóp bolýy tıis delinip otyr. Basym bóligi - jas er adamdardyń bas súıekteri, dep jazady TASS.
Sarapshylar qabyrǵanyń XV-XVI ǵasyrlar aralyǵynda salynǵanyn shamalap otyr. Bular atstekter tutqynǵa alǵan jaýlarynyń bas súıekteri bolýy yqtımal.
Foto: depositphotos.com
