Mehıko metrosynda Dımashtyń beıneklıpteri kórsetilýde
NUR-SULTAN. QazAqparat - 6 qyrkúıek kúni Mehıkodaǵy metronyń medıafasadtarynda Dımash Qudaıbergenniń Fly Away ánine túsirilgen vıdeosy jarııalandy. Rolık apta boıy saǵat saıyn 576 ekranda kórsetiledi, dep habarlaıdy dimashnews.com saıty.
Dımashtyń Meksıkadaǵy fan-klýbynyń arqasynda beınerolıkter kórsetildi. Dears eń tanymal teledıdarlyq jelilerdiń biri – Mehıko qalasyndaǵy metroda mýzykalyq beıneklıpter men mádenı jańalyqtardy ornalastyrýmen aınalysatyn Isa TV-ge habar taratý týraly ótinish jiberdi.
Translıatsııanyń ótýi úshin Dears Isa TV resmı Instagram-akkaýntyndaǵy posttyń astyna 2000 laık jınaý kerek boldy, Dımash shyǵarmashylyǵynyń jankúıerleri oǵan nebári eki kúnniń ishinde qol jetkizdi.
Osylaısha, 6 qyrkúıekte Meksıka astanaǵasyndaǵy metronyń 70 stantsııasynda Dımashtyń Fly Away ánine túsirilgen vıdeosy kórsetildi. Metro - qalanyń negizgi kólik quraldarynyń biri, sondyqtan beıneni 3 mıllıonǵa jýyq adam kóredi.
