Megapolısterde aldaǵy úsh kúnde aýa raıy qandaı bolady
ASTANA.KAZINFORM - Qazgıdromet aldaǵy demalys kúnderi Qazaqstannyń úsh qalasynda aýa raıy qubylmaly bolatynyn málim etti.
Sınoptıkterdiń boljamyna súıensek, Astana, Almaty jáne Shymkent qalalarynda naızaǵaı oınap, jańbyr jáne burshaq jaýady.
Astanada aldaǵy úsh kúnde jaýyn-shashyn jaýady. Jeksenbi kúni aýa temperatýrasynyń aıtarlyqtaı tómendeıtini boljanyp otyr.
8 mamyr kúni kúndiz jańbyr jaýyp, naızaǵaı oınaıdy, burshaq jaýady. Jeldiń ekpini 15-18 m/s jetedi. Aýa temperatýrasy kúndiz +23+25°C bolady. 9 mamyrda aýa raıy qubylmaly bolady. Kúndiz aýa temperatýrasy +21+23°C. Al 10 mamyr kúni kún kúrt sýytady. Temperatýra kúndiz nebári +10+12°C bolady. Jeldiń jyldamdyǵy 20 m/s deıin kúsheıedi.
Almatyda juma kúni aptap ystyq bolǵanymen, demalys kúnderi jaýyn bastalady. 8 mamyrda jaýyn-shashynsyz, óte ystyq aýa raıy saqtalady. Kúndiz termometr baǵany +31+33°C kórsetedi. 9 mamyr kúni kúndiz ótkinshi jańbyr jaýyp, naızaǵaı oınaıdy. Temperatýra +28+30°C deıin jetedi. Al 10 mamyrda jańbyr jaýady. Aýa temperatýrasy kúndiz +20+22°C deıin tómendeıdi.
Shymkentte demalystyń alǵashqy kúni aptap ystyq bolady. Biraq jeksenbide kún salqyndaıdy. 8 mamyr kúni ashyq aýa raıy saqtalady. Kúndiz +33+35°C ystyq bolady. Al 9 mamyrda kúndiz ótkinshi jańbyr jaýyp, jeldiń ekpini 20 m/s jetedi. Temperatýra +28+30°C bolady. 10 mamyr kúni jańbyr jaýyp, naızaǵaı oınaýy múmkin. Kúndiz kún salqyndap, aýa temperatýrasy +20+22°C jetedi.
Sınoptıkterdiń boljamynsha, Qaraǵandy oblysynda mamyr aıy ádettegiden jyly, alaıdy qubylmaly bolady. Aldaǵy aptalarda temperatýra kúrt aýytqyp, naızaǵaı oınap, ekpindi jel soǵyp, keı kúnderi túnde úsik júrýi múmkin.
