Mega Silk Way saýda ortalyǵy órtengen joq — ákimdik

ASTANA. KAZINFORM — Esil aýdanynyń ákimdigi Mega Silk Way saýda jáne oıyn-saýyq ortalyǵyndaǵy órt týraly aqparat jalǵan ekenin habarlady.

Saýda jáne oıyn-saýyq ortalyǵynan órt shyqqan joq.

«Elektr qýatynyń úzilýine baılanysty dızeldi generatorlar iske qosyldy jáne olardyń jumysynan tútin shyqty» deıdi ákimdikten. 

Ortalyq qonaqtary men qyzmetkerlerine eshqandaı qaýip joq. 

Eske sala keteıik, birqatar aqparat quraldarynda Mega Silk Way saýda oıyn-saýyq ortalyǵynyń tóbesinen shyqqan qara tútinniń vıdeosy taraǵan edi.  

Búgin astanada kópqabatty úıdiń 26-qabatynan órt shyqty.  

Qutqarýshylar 8 adamdy qaýipsiz jerge shyǵardy, onyń ishinde bir bala bar.

Zardap shekkender týraly málimet joq.