MEGA saýda-oıyn-saýyq ortalyqtarynyń shyny konstrýktsııalaryna saraptaý jáne zertteý júrgizilmek
ASTANA. QazAqparat - «MEGA» MANAGEMENT saýda-oıyn-saýyq(SOSO) ortalyqtaryndaǵy shyny konstrýktsııalaryn saraptap, zertteý qajettiligin bastama etip kóterdi.
Qazirgi kezde SOSO-nyń búkil jelisi boıynsha MSQB jáne TJD ókilderinen, sondaı-aq shyny betteriniń qosymsha tekserýin ótkizetin táýelsiz sarapshylardan turatyn komıssııa quryldy, dep habarlady «MEGA MANAGEMENT» baspasóz qyzmetinen.
Saraptama «MEGA Astana» paıdalanýǵa berilgen kezden bastap, 8 jyldyń ishinde birinshi ret tirkelip otyrǵan oqıǵadan keıin ótkizilmek. Buǵan deıin «MEGA MANAGEMENT» órtke qarsy jáne seısmologııalyq qaýipsizdik salasyndaǵy táýelsiz tekserýlerin uıymdastyrǵan bolatyn. Tekserikter turaqty túrde árbir SOSO-da MEGA-ǵa kelýshilerdiń bos ýaqyttaryn sapaly ótkizýine tolyq baqylaý jasaý úshin kompanııa basshylyǵynyń bastamasymen uıymdastyrylyp otyrady. Sondaı-aq, SOSO jelisinde shtattan tys jaǵdaılardy qarastyrý boıynsha sharalar kestesi bar.
